-004.jpg)
ഒന്നാം കഥ
വരാന്തയുടെ അങ്ങേ അറ്റത്ത്‌ നിന്നും അവര്‍ താഴേക്കു ഇറങ്ങുന്നത് നരച്ച പുരികത്തിനു താഴെ നിറഞ്ഞ മിഴികളില്‍
പ്രതിഫലിച്ചു.വീശി അടിച്ച മണല്‍ കാറ്റില്‍ ആ കാഴ്ച മറയുമ്പോള്‍ നിറഞ്ഞു പടരുന്ന ശൂന്യതയുടെ ഊഷരത
തിരിച്ചറിയുക ആയിരുന്നു ഹൃദയം ."തന്റെ മക്കള്‍ക്ക്‌ ഇനി ആര്?" എന്ന് ഗര്‍ഭപാത്രം വിണ്ടു കീരുന്നതിന്റെ വേദന
അനാഥമായ ഭൂമിയെ മൂടുകയാണ് ഇപ്പോള്‍!
രണ്ടാം കഥ
ലഹരിയില്‍ കുതിര്‍ന്ന യൌവനങ്ങളില്‍ പുതുകാലം ആലസ്യത്തിന്റെ വിത്തുകള്‍ നിറച്ചു .ശീതളിമയില്‍ അമര്‍ന്നു
കിടന്നു അവര്‍ തങ്ങളില്‍ വിടരുന്ന നിര്‍ഗുണ പുഷ്പങ്ങളില്‍ ആത്മരതിയുടെ രുചി നുണഞ്ഞു. മൂലരഹിത
തരുക്കള്‍ക്ക് ആ മനസ്സുകളുടെ ലാളനം ധാരാളമായി !!!
മൂന്നാം കഥ
ഞൊറിവ് വീണ മണല്‍ പരപ്പിന്റെ അനന്ത വിതാനത്തില്‍ നിലാവ് പരന്നു കിടന്നു. വിരഹികളുടെ ചുടു
നിശ്വാസം വിടരാന്‍ വെമ്പിയ മൊട്ടുകളെ മുളയിലെ അവിച്ചു കളഞ്ഞു .അങ്ങനെ മരുഭൂമി എന്നെന്നേക്കും മരുഭൂമി
ആയി തുടര്‍ന്നു !!!